Një aksident është shënuar rreth orë 19.30 të premtes në Unazën e Madhe të Tiranës në segmentin nga Pallati me shigjeta në drejtim të qendrës tregtare TEG. Një person rreth të 40-ave është parë i shtrirë në rrugë ndërsa disa të tjerë janë munduar t’i japin ndihmën e parë.
Për një kohë të gjatë aty nuk është parë as policia dhe as ambulanca pavarësisht thirrjeve të vazhdueshme të personave të pranishëm. Dyshohet se ai është goditur nga një automjet. Nuk dihet gjendja e personit të plagosur pas dërgimit të tij në spital. ©LAPSI.al
