Të gjithë ju që dëshironi të shkoni në plazh ose në një piknik në natyrë, mund të realizoni planet tuaja pa u shqetësuar për motin, pasi koha do të jetë me diell dhe me temperatura favorizuese. Sipas sinoptikanëve të Shërbimit Meteorologjik Ushtarak, dita e shtunë do të nis me diell, ndërsa gjatë orëve të pasdites do të kemi një shtim të vranësirave. Sa i takon temperaturave ato do të shkojnë nga 13 gradë në vlerat e tyre minimale, në zonat malore deri në 31 gradë në vlerat e tyre maksimale, në zonat bregdetare. Po ashtu edhe dita e diel do të karakterizohet nga një mot i tillë.
