Ish-kryeministri Sali Berisha ka publikuar disa mesazhe nga ata që i quan “qytetarë dixhitalë” të cilët sipas tij japin informata për Agron Xhafajn, vëllain e ministrit të Brendshëm Fatmir Xhafaj. Berisha thotë se ministri i brendshëm ka mbrojtur trafikun drogës të kryer nga vëllai i tij.
Në një nga SMS-të e publikuar nga Berisha shkruhet: “Mirëmbrëma doktor. Doja t’ju informoja se ne muajin nëntor 2017, Agron Xhafa është ndaluar në Vlore nga shefi i krimeve Altin Hamitaj pasi kishte të dhëna se në makinën e tij kishte hashash.
Aty janë konfliktuar me njëri-tjetrin. Fatmir Xhafa ka telefonuar Gent Shehajn direkt që është drejto i Policisë në Vlorë dhe e kanë lënë të ikë pa e kontrolluar fare. Te lutem shumë fshihe numrin tim po vendose ta publikosh. Ju uroj shëndet e një natë të mirë.”
Një tjetër SMS shkruan: “Prsh doktor. Doja të të vija në dijeni sepse sapo ra brenda me këmbët e veta ky ministri i mallëngjyer. Pa pyete njeherë me atë grupin e Novoselës kishte gisht vëllai i ministrit apo jo?”
