Duket linja e rrobave, “Yeezy”, e themeluar nga Kanye West do t’i duhet të përballet me disa akuza të reja plagjature që vijnë nga aktori Shia LaBeouf.
Në një intervistë për revistën Esquire, aktori i “Transformers” është shprehur se Kanye i ka marrë të gjitha rrobat e stilet e tij për këtë linjë veshjesh.
“Kanye u tregua shumë i mirë me mamanë time në prapaskenat e një prej koncerteve të tij”, – tregon Shia. “Dhe si shenjë mirënjohjeje i thashë se mund të merrte të gjitha rrobat e mia. Dhe kështu, ai i mori të gjitha” “Në sfilatën e tij të fundit, ai kishte shumicën e rrobave të inspiruara nga unë, të cilat i kisha në ‘No More Parties in L.A.’. Kanye ka shumë gjëra që nuk i përkasin”, – ka treguar në fund Shia.
