Teksa ishte e ftuar në "Top Show Magazine", gazetarja Erjona Rusi ka bërë një deklaratë që pak femra, për të mos thënë asnjëra, do ta thoshte për bashkëshortët e tyre.
Erjona u shpreh se nuk e ka problem nëse bashkëshorti i saj sheh një femër të bukur apo bisedon me të dhe se nuk lihet burri për një tradhti.
"Sinqerisht nuk e them për klishe, të hutohet dhe të kënaqet me sy. Madje edhe më shumë po të dojë", tha Erjona duke i lënë të habitur të ftuarit ndërsa Dudushi e pyeti se çfarë nënkupton ajo me më shumë. "Me më shumë e kisha fjalën që të rrijë me të, të bisedojë. Nuk thashë të shkojë në krevat me të", u përgjigj gazetarja teksa shtoi: "Po nëse ajo është aq e zonja sa të ma marri burrin për në krevat, hallall ja bëftë Zoti". "Unë kam shumë besim tek vetja ime, por nëse do ndodhte dhe unë do e zbuloja, nuk do bëhej qameti, ta garantoj. Unë mendoj që nuk lihet burri as gruaja për një tradhti", u shpreh Erjona.
