Grupet e nxënësve të shtruar në spital, të asfiksuar nga sistemi i ngrohjes së shkollës së Shupenzës ka arritur në gati 50 vetë. prej këtyre 19 nxënës mësohet se janë në gjendje më të rëndë të shtruar në spitalin e Peshkopisë. Pjesa tjetër, prej 28 vetësh është në spitalin e Bulqizës. I vetmi reagim është nga Ministria e Shëndetësisë që ka vënë në dispozicion dy helikopterë për transportin e fëmijëve drejt Tiranës, nëse do të lindë nevoja. Ndërkohë nga Ministria e Arsimit nuk ka asnjë reagim për ngjarjen. Prej disa orësh që kur ngjarja ka dalë në media, Lindita Nikolla ka heshtur.
