Në kuadër të ditës ndërkombëtare të medias, kryeministri Edi Rama theksoi se mediat në rajon janë pjesërisht të lira, ndërsa nuk përjashtoi faktin se ato kanë ndikim nga partitë politike. Sipas Ramës, progres-raporti tregon se liria e mediave në vendin tonë është rritur pasi është harmonizuar legjislacioni. Por, teksa fliste për lirinë e mediave, kreu i qeverisë foli edhe për shkeljen e të drejtave të njeriut nga ato, ndërsa theksoi se një gjë e tillë mund të ndodhte edhe me takimin e sotëm ku ai merrte pjesë.
Rama u shpreh se media në Shqipëri ëhstë kthyer në një institucion të pabesueshëm për publikun. Për këtë arsye ai ka ngritur edhe kanaleet e vet të komunikimit që e vërteta, sipas tij, të shkojë tek publiku ashtu siç duhet.
“Fjalët vrasin të parat, plumbat vijnë mbrapa”- ka thënë një gazetar polak. E them këtë për një sfidë të dyfishtë. Pra për të rritur frymën e përgjegjësisë së kësaj ‘arme’, por edhe dhe për lirinë e medias. Sot ne kemi një problem të rëndësishëm që është pjesë e transformimit të cilin nuk e sjellin ligjet, por transformimi në mendësi që ka të bëjë me shfrenimin e gjuhës së urrejtës dhe përdorimin e licencës për të ushtruar aktivitet në këtë fushë delikate si licencë për gjueti dhe për qëllime që nuk thuhen. Ati themelues i gazetarisë italiane thoshte se kurrë nuk i besohet një gazetari të pasur dhe po flas për Shqipërinë ku media gjenerohet nga të pasurit. Mediat në Shqipëri janë kthyer në institucione të pabesueshme për publikun. Fake news mjegullojnë të vërtetën. Unë jam sa besimplotë dhe pesimist për të ardhmen e afërt të medias. Shkaqet që janë në sytë e të gjithëve dhe se më del më e vështirë se mendohej nevoja e një gjenerate në media që përmbushin kriteret e atyre mediave të vendeve të BE”- tha Rama.
