Ambasadori amerikan Donald Lu nga Ministria e Brendshme, gjithashtu foli edhe per lidhjen e politikanëve me grupet kriminale. Ai tha se ky është një problem që ka pllakosur Shqipërinë që pas rënies së komunizmit. Donald Lu, shtoi se një lidhje e tillë nuk duhet mohuar, madje mori edhe 4 emra si shembull.
“Deri tani organet e drejtësisë penale kanë dështuar ndaj grupeve penale. Shqipëria ka një problem me lidhjen mes grupeve kriminale dhe politikanëve. Shqyrtoni rastet e Arben Frrokut, Elvis Rroshit, Arben Ndokës, Gentian Mahmutaj. Ky problem ka pllakosur politikën shqiptare që nga rënia e komunizmit. Asnjë nuk është mbi ligjin. Ju thoni “peshku i madh e ha të voglin”, për një herë të vetme në Shqipëri, le të hamë peshkun e madh” - u shpreh Donald Lu.
Ai gjithashtu tha se ka ardhur koha që të kapen sa më parë peshqit e mëdhenj dhe se rezultatet duhet të shihen që në fillim të 2018-ës.
