Në intervistën ndoshta më të sinqertë të tijën, princi William ka folur për vdekjen e nënës dhe trishtimin që nuk mendon se do t’i kalojë.
William u shpreh se pengu më i madh është që Lady Diana nuk arriti të njoh bashkëshorten Kate dhe pjesëtarët më të vegjël të familjes mbretërore. Në rrëfimin e tij për revistën “GQ”, ai pohoi se qëndrueshmëria në familje, për të është gjëja më e rëndësishme dhe se për fëmijët e tij po ndjek të njëjtët hapa siç bënte ajo me ta.Princit i janë dashur plot 20 vite të arrijë të flasë lirshëm dhe të ndihet komod kur flet për të. “Nuk dua që djali im të rritet i mbyllur brenda mure pallatesh, dua të jetë i lirë. Bota e medias e vështirëson shumë këtë, por unë do t’ia dalë që ai të ketë një jetë normale.”- përfundon ai, i cili duket se ka trashëguar nga e ema shpirtin revolucionar.
