Kjo është hera e dytë që beteja ligjore po zhvillohet në Gjykatën e Lartë, me regjisoren që ka paditur prokurorinë dhe kërkon 200 mijë dollarë amerikanë si dëmshpërmblim për videon që u publikua në vitin 2004.
Video, që ka përmbajtje të fortë erotike, shfaq në momente intime atë dhe partnerin e saj të ndjerë Arjan Selimi, i cili u vra në vitin 2011. Video u filmua nga Selimi në momente dhe ambiente private, por u përhap në masë nga aparatet celularë, duke i mundësuar gjithë publikut që ta shihte. Gazeta Shqiptare shpjegon se kjo pasi video u bë publike në kohën kur telefoni i Selimit ishte sekuestruar si provë materiale nga Prokuroria e Krimeve të Rënda për shkak të hetimit të dosjes “Kompas”.
