Fotot e djalit të biznesmenit shqiptar me seks simbolin e “Baywatch” bënë xhiron e mediave shqiptare. Pavarësisht diferencës dyfish të moshës, shoqërimi i Fatmir Hysenbelliut (25) me Pamela Anderson (49) u komentua si arritje dhe sukses. Por, se si ndodhi që ata u fotografuan bashkë në hotelin në Miami, me sa duket paska qenë më e thjeshtë se sa mendonim. Këtë e ka zbuluar Top Channel përmes atij që mendohet të ketë qenë “shkuesi” i kësaj historie.
Në emisionin e mëngjesit “Wake up”, Algen Nikolla tha se ata janë njohur në një darkë bamirësie në Paris ku ish-banori i Big Brother, kishte ftuar Fatmirin. “Në evente të tilla, nëse ke para dhe je i ftuar, mund të qëllosh në tavolina pranë shumë personazheve të njohura.” – u shpreh Nikolla në lidhjen telefonike, duke zbuluar kështu afrimitetin mes të dyve.
Pra, siç shihet edhe nga titrat që programi i mëngjesit ka përdorur, ky i Fatmirit me Pamelën, është rasti që tregon se të fotografohesh me një vip, duhet të paguash!
