“Jemi shumë krenarë për Linda Halimin e sezonit të 15 të American Idol në rrugëtimin e saj në Eurovizion!” – është shkruar përbri një videoje ku titulli është ’60 sekonda me Linditen nga Shqipëria”.
Lindita Halimi, përfaqësoi Shqipërinë në Eurovizionin që po mbahet aktualisht në Kiev të Ukraniës me këngën “World” që edhe pas një perfromance të mirë dhe të vlerësuar, ajo nuk arriti të kalonte në natën finale të këtij kompeticioni. Edhe pse nuk kaloi në natën finale, Lindita sërish arriti një sukses. Faqja zyrtare e “American Idol”, kompeticionit të njohur amerikan ku Lindita mori pjesë disa kohë më parë, e ka shpërndarë lajmin e pjesëmarrjes së saj në Eurovizion duke shprehur mjaft konsideratë për të.
