Prej vitesh është folur se marrëdhënia mes aktoreve ikonë, Julia Roberts dhe Susan Sarandon, nuk ka qenë aspak e mirë, që pas interpretimit të tyre në filmin “Stepmom”.
Thuhej se ato nuk e duronin dot njëra-tjetrën gjatë xhirimeve të filmit, por këto zëra janë hedhur poshtë një herë e mirë nga vetë Sarandon. Ajo ka sqaruar të vërtetën e “luftës” midis tyre. “Nëse bën një film me një mashkull, të gjithë mendojnë se ti je e përfshirë në një lidhje me të. Nëse luan pranë një ylli Hollywood-i, duhet patjetër të kesh diçka kundër saj." Kështu është shprehur ajo 20 vjet më parë dhe duket se nuk ka ndryshuar shumë që atëherë. Edhe pse ka hyrë në të 70-at, Susan Sarandon duket po aq e fisme sa dikur. “Media e shkruar ka përhapur lajmin se unë dhe Julia Roberts e urrejmë njëra-tjetrën. Dhe sapo zbulova se ka qenë menaxheri im, që ka krijuar të tilla thashetheme.”-sqaroi ajo nëpërmjet një statusi në Twitter.
