Nuk kane kaluar as dy javë nga dasma, por Fiori Dardha nuk është në muaj mjalti. Siç thotë edhe shprehja “Të dielën u martove, të hënën në punë shkove”.
Moderatorja e emisionit investigativ "Boom" në Ora News, ka një projekt të ri për të komunikuar me publikun. Sërish në Ora News, por jo në televizion. Në llogarinë e saj në Instagram, Fiori ka publikuar një mikrofon radiofonik dhe Lapsi.al mësoi se bëhet fjalë për një emision në radion Ora News. Përveç angazhimit të përditshëm më emisionin Boom, Fiori do të drejtojë 2 herë në javë një emision argëtues, të titulluar "Me Fiorin". Mesa duket, tani do të kemi rast të dëgjojmë Fiorin në variantin radiofonik të "Bla bla bla", emisionit që i solli famë duke vënë në lojë personazhet publikë.
