Më pak se një vit më parë, Diane Kruger dhe Joshua Jackson thyen zemrat e gjithë fansave duke deklaruar se po ndaheshin pas 10 viteve së bashku.
Por, duket se aktorja e famshme e ka lënë pas historinë me Jackson, duke qenë se së fundmi u fotografua në New York duke shkëmbyer puthje e përqafime me Norman Reedus, yllin e serialit “The Walking Dead”. Prej disa muajsh diskutohej se 40-vjeçarja dhe Reedus kishin diçka më shumë se shoqëri me njëri-tjetrin, gjë që më në fund u konfirmua falë fotove të reja të çiftit.
Sipas personave të pranishëm në mbrëmjen në fjalë, Diane dhe 48-vjeçari sapo kishin dalë nga një lokal ku kishin konsumuar alkool dhe dukeshin mëse të lumtur krah njëri-tjetrit, duke u folur madje edhe kalimtarëve të rastësishëm në rrugë.
