Si për çudi, vetëm pak ditë pas një shërbimi të detajuar promovues që i bëri në emisionin e saj shefit të tyre, gazetarja e Top Channel është gjobitur nga policët bashkiakë. Me sa duket, as vizita në zyrën e Erion Velisë për realizimin e një emisioni gati një orësh, nuk e ndihmoi Jonida Shehun, ta kursejnë nga masa administrative për parkimin gabim. Sipas opinion.al, vetë moderatorja e “Pasdite në TCH” ka shpërthyer me një reagim, së bashku me një foto, të shkrepur në kohën kur po e gjobisnin.
“Ja degjenerimi i ligjit të shtetit. Unë kam parkuar gabim dhe jam burim aksidenti. Këto punonjësit e shtetit jo. Sa Turp!” – shkruan Jonida Shehu në postimin e saj, e cila për hir të së vërtetës nuk është e vetmja që ankohet për aksionet e policisë bashkiake.
