Refuzimi që drejtuesi i gazetës Express i bëri prezantueses shqiptare Roza Lati duket se nuk ka kaluar pa pasoja. Vetë 28-vjeçarja hapi këtë argument në emisionin e Rudina Magjistarit kur tregoi për rastin e Berat Buzhalës i cili i kishte premtuar punën por më pas ishte zhdukur. Pas mallkimit, “Ia bëftë zoti siç ka shpirtin”, që vajza e aktores Rita Lati adresoi për pronarin e “Express”, ky i fundit tha se Roza “mu duk që ishte e mbi-kualifikuar për atë rol. Kishim nevojë për dikë që ishte më pak i/e rëndësishme se znj. Lati. Kaq. Nuk ka asgjë më shumë. Sipas meje Lati është shumë më e rëndësishme se sa për të qenë gazetare e një emisioni. Nuk e kuptoj pse i ka ngelur hatri”.
Por me sa duket përplasja në distancë ka vijuar dhe Roza Latit nuk po i del e keqja. Menjëherë pas deklaratës së Berat Buzhalës, prezantuesja ka nxjerrë në publik detaje nga takimi që ka patur me drejtuesin e medias së njohur kosovare.
