Çelja e shkollës verore politike të të rinjve socialistë për integrim u pasqyrua gjerësisht në mediat e vendit. Jo më kot, pasi disa prej drejtuesve, opinionistë apo pronarë televizionesh, preferuan të ishin personalisht prezent në krah të organizatorëve të këtij eventi. Por, mesazhet e lëshuara nga foltorja e kampingut të Jalit i ndoqi me vëmendje dhe deputetja socialiste Arta Dade e cila spikati me mënyrën e të mbajturit të çantës. Disa e komentuan si trendy këtë model, ndërsa të tjerë, me humor guxuan ta krahasonin zonjën e politikës me ato gratë që udhëtojnë me urban, të cilat e varin çantën përpara vetes, duke e ruajtur nga frika e ndonjë hajduti që mund t'i fusë duart brenda.
