U shkrua shumë në media dhe u tha se për shkak të karrierës, këngëtarja Soni Malaj i dha lamtumirën balerinit italian Mirko. Çifti i cili u martua rreth 4 vite më parë pas njohjes në spektaklin "DWTS" dhe solli në jetë vogëlushen Anna, u divorcua fundin e verës së 2015-ës dhe prej atëherë, Soni ishte shprehur vetëm një herë përmes një statusi në mediat sociale, ku tha se dashuria kishte mbaruar.
Për të njëjtën temë e ngacmoi dhe Çani i cili e kishte të ftuar në studion e "Zonë e Lirë" këtë të premte. "Jo, edhe 1 milion euro të më jepnin nuk e prishja familjen", mohoi thashethemet se për shkak të karrierës ajo ishte ndarë me balerinin italian.
Pa u shpjeguar gjatë, Soni vazhdoi: "Mbas një dështimi a fatkeqësie njeriu është e rëndësishme të ngrihet. T'i lënë prapa thashethemet dhe të ringrihen." - tha këngëtarja e cila së fundi zbuloi dhe fejesën me biznesmenin më të ri në moshë.
