Lajmi se fituesi i Big Brother 8, Vesel Kurtishaj do të antarësohet në Partinë Demokratike të Kosovës u kumtua paraprakisht përmes një komunikate për media. Lajmi, shkaktoi fortune komentesh në rrjetet sociale. Me tone tallëse për gjoja aderimin e ‘madh’ në parti, shumë fytyra publike në Kosovë, nuk e kursyen reagimin përmes statuseve për këtë zhvillim. Në mesin e tyre edhe Berat Buzhala nga Gazeta Express, shkruan Prive.
Por, përtej statusit të Beratit, komenti i Kikës së “Big Brother” tërhoqi vëmendjen… Personazhi kontravers nga Peja e ka akuzuar fituesin nga Prizreni se çon përpara axhendën LGBT dhe kjo është arsyeja e hyrjes së tij në PDK. “E ka gjet veten Vesel Kurtishaj aty se duhet dikush i fuqishëm të përfaqesoj komunitetin LGBT brenda PDK-s dhe Veseli është personi adekuat” – është shprehur Kreshniku.
Ndryshe, Kika njihet për natyrën zhurmuese të prononcimeve dhe deklaratave, teksa për shkak të sjelljes së tij është aluduar se ai është vetë homoseksual. Aventurën në Big Brother e përmbylli kur përdori sjellje të dhunshme ndaj banores tjetër, Albës, që rezultoi me vendimin e ‘Vëllait të madh” që ta largoj atë nga reality show.
