Është një ëndërr e të gjitha femrave tashmë, që të kenë buzë mishtore dhe të plota, si Angeline Jole dikur, apo si motra e vogël Kim Kardashin, Kylie Jenner. Në sajë të metodave drastike të mjekësisë estetike, mes fillerit, acidit hialuronik dhe ndërhyrjeve, fryrja e buzëve është kthyer prej kohësh në maninë e yjeve botërore, femrave të showbiz-it shqiptar, por edhe vajzave të zakonshme.
Por shpesh rezultatet nuk janë aq të mira, përderisa kuptojmë që disa prej tyre e kanë ekzagjeruar vërtet.
Duke u nisur dhe nga tendenca e adoleshenteve në botë, që fryjnë buzët me metoda shtëpiake të lojës me shishe, po ju sjellim femrat shqiptare të showbizzit që ndjekin
“trendy-n bizar” të buzëve me volum të madh.
Fillojmë me moderatoren e njohur, Sonila Meço (e fundit djathtas). Buzët aktuale të saj nuk kanë lidhje fare me buzët e holla të para disa viteve, kur ajo shfaqej përnatë në ekran, në edicione qëndrore lajmesh.
Për të vazhduar me aktoren e skpektaklit të humorit “Portokalli”, Albana Perhati (e dyta nga e majta). Duket se mania për të rritur volumin e buzëve nuk ka të ndalur tek aktorja, e cila me të vërtetë e ka tepruar.
Të pakënaqura me portretin e tyre, kanë qenë dhe këngëtarja kosovare Dafina Zeqiri, artistet e tjera si Adelina Tahiri (e treta djathtas), Anjeza Branka, Ingrid Gjoni, Zajmina Vasjari (e para), moderatorja Roza Lati, etj.
Paksa më e përmbajtur në ndërhyrjen e saj duket se është treguar këngëtarja nga Kosova Nora Istrefi, e cila këto ditë do të bëhet nënë e një vajze.
Për më shumë mund ta vëreni vetë ndryshimin e vajzave VIP, tek fotot që
po ju sjellim për ilustrim. (story.al)
