Aktorja e cila njihet më së shumti për shfaqjet mediatike, i është kthyer profesionit të saj në teatër, prej nga i cili, rreth 5 vite më parë mori dhe famën! Pas "Pamje nga Ura", projektet e bjondes sexy në skenën e teatrit kanë qenë të rralla, por duket se Olta Gixhari ka ditur të zgjedhë kur i është dashur të tërheqë vëmendjen si një nga aktoret tona më premtuese!
Prova më e afërt për Oltën, për të treguar jo vetëm hiret siç bën zakonisht tek "Në 1 javë", por edhe talentin në skenën e teatrit, është vetëm pak ditë larg. Emocionet e premierës më të re të Teatrit Kombëtar duket se e kanë pushtuar, gjë të cilën aktorja e shfaq përmes postimeve të saj në mediat sociale. Se si do të duket Olta në rolin e Natashës në dramën "Tri motrat", tashmë është zbuluar. 29-vjeçarja ka publikuar për herë të parë një foto të shkrepur gjatë provave të shfaqjes, ku nuk ngjan fare me personazhin që jemi mësuar të shohim shpesh në mediat rozë.
