Doktoreshë Riselda, siç e quan veten, apo ndryshe Mulliri, nofkë që e përdor në çift kur është me bashkëshortin Ajdin Sejdia, është revoltuar nga komentet që ka parë tek një foto e trashëgimtares së Top Channel.
Ka mjaftuar një gabim në drejtëshkrim që zysha e baletit, t’i kundërvihet atyre që kritikojnë Lori Hoxhën.
“Pse sgjen nje pun lori qe te merresh, tzhvillohesh nga ana mendore se e morem vesh qe ke lek dhe vishesh me rroba firmato. Thuj zotit rrofsh 100 here per ate babin qe ke pas se ndryshe do ishe duke la dhembet me sode buke jo ti zbradhoje neper klinika.” – është komenti që ndezi reagimin e bashkëshortes së biznesmenit, e cila ndërhyri duke korrigjuar fjalën e shkruar gabim dhe më pas vazhdon me furçat për 22-vjeçaren, Lori Hoxha.
“Zbradhoj” Ë medet mëso të shkruash moj e uruar pastaj qaja hallin Lorit! Ske faj pabuksia bën të vetën, të shkon truri lëng kur sheh Lorin dhe bëhesh tap nga goja. Lori je yll bote zemra. Hidh sa më shumë foto mundsisht në ditë se na zbuluron iphonin.” – shkruan 31-vjeçarja në komentin e saj. Por, nuk ia kanë lënë mangut, pasi të tjera komente kanë vërshuar duke korrigjuar Risin kësaj here.
Nga ana e saj, pronarja e profilit ku ndodhi debati nuk është ndjerë. Duket se Lori Hoxha tregohet e kujdesshme kur i duhet të reagojë, ndaj kohët e fundit nuk e kemi parë t’i përgjigjet të panjohurve në Instagram.
