Mbrëmjen e së enjtes mediat kosovare raportuan për një aksident, ku modelja Morena Taraku kishte përplasur me makinë një djalë dhe më pas i kishte futur atij një shpullë. Por, ky lajm me sa duket nuk ka qenë plotësisht i vërtetë. Vetë menaxheri i bukuroshes nga Kosova ka folur për Express, i cili ka sqaruar se ish-missi ka patur një problem me gomat e makinës, ndaj dhe ka ndaluar për të kërkuar ndihmën e policisë.
“Fotot janë bërë nga disa persona dhe mandej shumica e portaleve i kanë keqinterpretuar këto lajme duke thënë se ajo ka shkelur njeri. Ajo nuk ka shkelur njeri thjesht ka pasur probleme me gomat e makinës, ku mandej këngëtarja ka dalë në trotuar”, ka thënë Jetmir Agaj për Express. Nga ana e saj, modelja e shndërruar në këngëtare nuk ka reaguar, duke lënë dyshime për ngjarjen e cila tingëlloi sa dramatike po aq edhe qesharake.
