Një shkrim që ka hapur sot Gazetën Shqiptare është bërë shkak që aktori i njohur Laert Vasili të reagojë në facebook, ku thotë se artikulli është spifje. "Skandal mes aktorëve, Laert Vasili dhe Gert Ferra zihen me grushte për një femër", i botuar këtë të shtunë në "Bluetooth", sipas aktorit Vasili është abuziv dhe se gazetarja të cilën e quan terroriste mediatike, e ka bërë vetëm për të përfituar famë.
Nisur nga ngjarja terroriste në Paris, Laert Vasili është frymëzuar për të përgënjeshtruar lajmin në emër të tij dhe kolegut Gert Ferra.
"Lajme tronditëse sot: 150 të vrarë dhe 200 të plagosur nga terroristët në teatrin Bataclan në Paris. Ashtu si çeçenët kur ekzekutuan pengjet në Teatrin e Moskës në Tetor 2002. Sot gazetarucja shqiptare G.K e cila kërkon 15 minutat e saj të famës, sulmon duke shpifur për dy aktorë të Teatrit Shqiptar. A ka ligj për terroristët mediatikë?" - pyet miqtë e tij në Facebook, aktori dhe regjisori Vasili.
