Lajmi që sipas faqes në internet (celebritynetworth.com), pasuria e Bleonës përllogaritet në 15 milion $, pushtoi mediat shqiptare. Shumë nga publiku edhe e hëngri, gazetarët gjithashtu, të cilët mblodhën komente edhe nga kolegët e këngëtares. Por, si ka mundësi që ylli shqiptar që po ndriçon në Amerikë, me një vlerë marramëndëse, nuk ka një garderobë po kaq të pasur?!
Bleona Qereti është shfaqur mbrëmë në Rusi me të njejtin fustan të zi, të cilin publiku shqiptar brënda një jave e pa dy herë. Nga konferenca me gazetarët, 36-vjeçarja e veshi fustanin me rripa pas trupit tek "Zonë e Lirë". Pas kësaj, e kot ta mburrim Bleonën si milionere, por të shpresojmë se një ditë do të mund të nxjerrë të paktën paratë e shpenzimeve, për të cilat vetë këngëtarja u ankua "ngela pa shpi, për të bërë videoklip".
