‘Dancing with the Stars’ nis së shpejti sezonin e gjashtë të tij por duket se vëmendja qëndron akoma tek edicioni i kaluar
Fitorja e Tunës dhe kontestimet që pasuan vazhdojnë ende të përmenden. Skandali që u krijua kur këngëtarja si fituese deklaroi se nuk e kishte marrë shpërblimin që i takonte me kontratë dhe demantimet e vazhdueshme nga ana e produksionit duket se kanë ngelur ende në trajta të thumbimeve.
Si promo të paralajmërimit të sezonit të ri, produksioni ka zgjedhur një deklaratë të Tunës e cila pas triumfit tekstualisht deklaron se DWTS ishte ‘eksperinca më e bukur e jetës që kushedi me sa lekë nuk mund ta blej’. Ende nuk ka reagim nga Tuna lidhur me këtë ironizim të vënë në shënjestër nga producentja e këtij spektakli Holta Kolaneci.
Producentja e Dancing with the Stars (DWS), Hola Kolaneci ditë më parë ka publikuar kontratën e marrjes së çmimit nga ana e këngëtares Altuna Sejdiu, e njohur më mirë si Tuna
Sipas marrëveshjes së publikuar nga ana e Kolanecit, fituesja e edicionit të vjetshëm të DWS ka marrë çmimin prej 30 mijë euro në të holla dhe jo si pretendohej një apartament. Tuna përgjat gjithë kësaj kohe kishte akuzuar se ajo nuk qe shpërblyer për cmimin e marrë.
