Kreu i Partisë Demokratike, Sali Berisha, ka marrë një ftesë nga International Democracy Union (IDU) për të qenë pjesë e delegacionit të saj në Konventën Kombëtare të Partisë Republikane 2026, që do të zhvillohet në Dallas, Teksas, më 9 dhe 10 shtator.
Në letrën zyrtare, të datës 7 gusht 2026, sekretarja e përgjithshme dhe drejtoresha ekzekutive e IDU-së, Tina Mercep, konfirmon pjesëmarrjen e Berishës si anëtar i delegacionit të organizatës në këtë aktivitet.
“IDU është e kënaqur që ju do t’i bashkoheni delegacionit dhe jemi të bindur se pjesëmarrja juaj në këtë mbledhje historike të Partisë Republikane do të jetë me vlerë për ju dhe Partinë Demokratike të Shqipërisë”, thuhet në letrën drejtuar Berishës.
Sipas ftesës, detajet për organizimin e delegacionit, akreditimin dhe programin e aktiviteteve do t’u komunikohen pjesëmarrësve nga sekretariati i IDU-së në vijim. Kujtojmë se vizita e Berishës në SHBA vjen pas vendimit të DASH për të hequr non-gratën ndaj kreut të PD-së.
Nuk ka ende një konfimrim nga Berisha apo nga PD që Berisha do ta pranojë ftesën dhe do të vizitojë SHBA-të. /LAPSI.al
