Departamenti i Shtetit amerikan njoftoi se, raundi i ardhshëm i bisedimeve midis Libanit dhe Izraelit do të mbahet më 23-25 qershor në Uashington.
Pas një telefonate me presidentit libanez Joseph Aoun, Sekretari i Shtetit të SHBA-së Marco Rubio përsëriti nevojën që Hezbollahu të çarmatoset dhe riafirmoi mbështetjen e Shteteve të Bashkuara për qeverinë libaneze në përpjekjet e saj për të krijuar një shtet sovran që jeton në paqe me të gjithë fqinjët e saj.
Mediat e huaja raportojnë se, sipas një deklarate nga presidenca libaneze, presidenti Aoun i tha Rubios se një armëpushim gjithëpërfshirës do të ishte baza themelore për përparimin në bisedimet e drejtpërdrejta me Izraelin. Gjithashtu mësohet se, presidenti libanez gjithashtu falënderoi Rubion për mbështetjen e SHBA-së për Libanin.
