Kur ora shënoi 09:00 këtë të hënë, pika e kalimit kufitar të Kapshticës u rihap dhe vijoi punën normalisht. Menjëherë nisi qarkullimi i mjeteve dhe këmbësorëve, pas një bllokimi prej rreth 4 orësh për shkak të protestës së doganierëve grekë, të cilët ndërprenë përkohësisht punën duke mos lejuar kalimin e automjeteve dhe qytetarëve.
Udhëtarët po vijojnë procedurat për kalimin drejt Greqisë dhe anasjelltas ndërsa dogana greke ka paralajmëruar se mund të ketë protesta të tjera edhe në ditët në vijim.
