Rreth 20 protestues janë shoqëruar në polici, pas tensioneve dhe përplasjeve para Parlamentit, gjatë seancës së parë plenare. Vetëm një prej tyre, Mustafa Veizi, u arrestua, ndërsa të tjerët u lanë të lirë. Mustafa Veizin, dyshohet se ka qëlluar me vezë drejt automjetit të deputetes së Partisë Socialiste, Ilva Gjuzi.
Protesta e së martës u shoqërua me tensione të vazhdueshme mes qytetarëve dhe forcave të Policisë së Shtetit. Ndërkohë, qytetarët kanë deklaruar se do të vijojnë protestat para Parlamentit edhe në ditët në vijim.
