Policia e shtetit njoftoi se rreth orës 21:20, në fshatin Zhymë të Lushnjë, shtetasi Florian Dalladaku, 45 vjeç, dyshohet se, në banesë, për motive ende të paqarta, ka goditur me një send metalik prerës (sqepar) nënën e tij, shtetasen Fanije Dalladaku, 80 vjeçe.
Si pasojë e plagëve të marra ajo ka humbur jetën ndërsa i plagosur rëndë ka mbetur babain e tij, shtetasin Hasan Dalladaku, 77 vjeç, i cili ndodhet në spital, nën kujdesin e mjekëve.
Autori, i cili dyshohet se vuan nga probleme të shëndetit mendor u largua nga banesa pas ngjarjes, por shërbimet e Policisë arritën ta lokalizojnë dhe ta kapin pas rreth 1 ore.
Grupi hetimor ndodhet në vendngjarje dhe, nën drejtimin e Prokurorisë, po punon për dokumentimin e plotë të rrethanave të ngjarjes. ©LAPSI.al
