Protesta kundër investimit në Zvërnec ka hyrë në ditën e gjashtë të saj, ndërsa në terren raportohet se edhe bizneset lokale i janë bashkuar tubimit qytetar.
Sipas fotove të publikuara nga vendngjarja, disa subjekte tregtare kanë zgjedhur të pezullojnë përkohësisht aktivitetin e tyre, duke iu bashkuar protestës në shenjë solidariteti me qytetarët e tjerë.
Në një nga rastet e evidentuara, një biznes ka vendosur një njoftim publik ku lajmëron mbylljen e aktivitetit gjatë ditës, me arsyetimin se do të marrë pjesë në protestë.
Pjesëmarrja e bizneseve në tubim shihet si një tregues i zgjerimit të mbështetjes për lëvizjen qytetare, e cila vijon prej disa ditësh dhe ka mbledhur qytetarë nga kategori të ndryshme sociale.
Ndërkohë, organizatorët dhe protestuesit vijojnë të theksojnë se qëllimi i tyre mbetet kundërshtimi i projektit dhe adresimi i kërkesave të parashtruara më herët.
