Një shtetas shqiptar është plagosur në një atentat të ndodhur në lagjen Patisia të Athinës. Ngjarja ndodhi në zonën e Patissia-s në Athinë, në kryqëzimin e rrugëve Vroutou dhe Themou Annino kur dy persona të cilët udhëtonin me një motoçikletë, hapën zjarr ndërsa shënjestra po dilte nga shtëpia. Shqiptari është plagosur në këmbë dhe ndodhet në spital.
I lënduari është 55 vjeç, por për momentin nuk bëhet publik emri i tij. Ai u dërgua në spital, ku ndodhet jashtë rrezikut për jetën. Hetimet janë marrë përsipër nga Drejtoria e Krimit të Organizuar të Drejtorisë së Policisë së Atikës.
