Përplasjet pranë Kryeministrisë vijojnë, ndërsa protestuesit kanë dëmtuar pllakat metalike të disa bizneseve në zonë.
Në vijim të tensioneve, ata kanë hapur me forcë edhe ambientet e një banke të nivelit të dytë. Situata mbetet e tensionuar, ndërsa policia tenton t’i shpërndajë.
Policia ka ndërhyrë me spraj lotsjellës dhe spraj me piper në drejtim të protestuesve.
Në terren ka ndërhyrë edhe autoboti me ujë, ndërsa raportohet për shoqërime të protestuesve nga efektivët.
Gjatë tensioneve, një i ri është shpëtuar nga bashkëmoshatarët e tij, të cilët kanë ndërhyrë për të mos lejuar shoqërimin e tij nga policia./LAPSI.al
