Vendgrumbullimi i mbetjeve urbane në rrethin e Krujës është përfshirë nga flakët, duke shkrumbuar mijëra tonë mbetje. Bëhet me dije se flakët janë shuar nga shiu i rënë, por mbetjet po digjet në brendësi dhe reja e tymit toksik ka mbuluar zonën përreth.
Banorët kanë deklaruar se dëgjohen edhe shpërthime, që dyshohet se lidhen me materiale të rrezikshme të përfshira në mbetje. Pavarësisht përmasave të zjarrit dhe afërsisë me aksin kombëtar Fushë-Krujë–Krujë, situata, sipas banorëve, nuk po merr reagimin e duhur nga institucionet përgjegjëse.
