Kryetari i Partisë Demokratike Sali Berisha ka reaguar pas shoqërimit të një sërë protestuesish në tubimin e zhvilluar të martën para kryeministrisë. Sipas Berishës, ndalimet janë bërë me urdhër të kryeministrit Edi Rama.
“Sonte Edi Rama provokoi rëndë protestuesit paqësor nga zyra e tij dhe urdhëroi narko-policinë t’i sulmonte ata pa asnjë motiv me shkopinj, shkelma, topa uji dhe mjete të tjera. Disa protestues u lënduan me plagë nga dhuna policore, të tjerë u morën forcërisht pa asnjë shkak në rajonin e policisë.
Partia Demokratike duke shprehur solidaritetin e saj me protestën rinore-qytetare, dënon me forcën më të madhe dhunën e egër të urdhëruar nga Padrino ndaj protestuesve dhe kërkon lirimin e menjëhershëm të personave të shoqëruar në polici” – thotë Berisha në një reagim të tij. ©LAPSI.al
