Një aksident i rëndë me pesë automjete ka ndodhur mëngjesin e sotëm në autostradën Durrës–Tiranë. Një 45-vjeçar humbi jetën, ndërsa pesë pasagjerë mbetën të lënduar. Aksidenti ndodhi rreth orës 05:20. Sipas policisë, Hysen Balla, 45 vjeç, u përplas me një kamion dhe humbi jetën në vend.
Pas përplasjes së parë, në aksident u përfshinë edhe tre automjete të tjera. Pesë pasagjerë mbetën të lënduar, por ndodhen jashtë rrezikut për jetën. Policia bëri të ditur se A.V., e cila dyshohet se drejtonte një nga mjetet e përfshira, u largua nga vendngjarja. Ajo u shoqërua më pas për të dhënë sqarime. Grupi hetimor po punon për të përcaktuar dinamikën dhe shkaqet e aksidentit.
