Prej mëngjesit të sotëm në vendin tonë dhe në Itali është organizuar një operacion i madh kundër trafikut ndërkombëtar të drogës, pastrimit të parave dhe shpërdorimit të detyrës.
Në operacion janë përfshirë Drejtoria e Hetimit Antimafia e Barit dhe policia shqiptare. Aksioni në Shqipëri po ekzekutohet me urdhër të SPAK.
Sipas mediave italiane janë lëshuar 52 urdhër arreste për akuza të ndryshme. Gjithashtu janë lëshuar urdhra për sekuestrimin e aseteve të luajtshme dhe të paluajtshme në Shqipëri e Itali me një vlerë prej disa milionë eurosh. Aksioni vjen në kuadër të goditjes së trafikut të heroinës dhe kokanës, të menaxhuar nga organizatat kriminale shqiptare, të cilat lëvizin sasi të mëdha heroine dhe kokaine midis Ballkanit, Europës veriore dhe Puglias.
