Kryeministri Edi Rama ka marrë pjesë sot në takimin vjetor të Këshillit Koordinues të Diasporës. Rama u shpreh se Shqipëria ka hapur një kapitull të ri të marrëdhënieve me diasporën. Ai tha se kur PS mori detyrën ishte një "shkretëtirë" në marrëdhëniet mes shtetit dhe diasporës. Kryeministri i ka konsideruar emigrantët si një mbështetje e rëndësishme financiare për vendin, ndërsa shtoi se sipas Bankës së Shqipërisë, dërgesat për këtë vit ishin rreth 100 mijë euro më shumë.
"Më vjen mirë që paralelisht kemi hapur kapitull të ri të marrëdhënies mes Shqipërisë dhe diasporës. Programi ynë qeverisës ka një pjesë të vecantë që i kushtohet diasporës. Një fjalim i asaj çka është bërë në bazë të këtij programi, tregon se është hedhur një bazë edhe pse ka shumë për të ndërtuar. Kur ne morëm detyrën ishte një shkretëtire në marrëdhëniet mes shtetit dhe diasporës. Pikënisja e këtij rrugëtimi ishte dëshpëruese se distanca mes shtetit dhe qytetarëve jashtë vendin ishte shumë e madhe. Ne ndërtuam një proces dhe strategji dhe sot jemi në kushtet kur kemi koordinatorë shtetërore për diasporën. kemi një organizim që merr pamjen me kuptimplotë në këtë tryezë ku diaspora përfaqësohet me një këshill kombëtar. E ritheksoj se diaspora mbetet mbështetje e rëndësishme financiare për vendin. Banka e Shqipërisë ka regjistruar rritje të dërgesave të emigrantëve në euro. Dërgesat më të mëdha nga Italia, Greqia dhe SHBA. Ne kemi arritur tu mundësojmë shqiptareve, shqiptimin me plot gojën të emrit shqiptar.", tha Rama.
