Banksy ka publikuar përfundimin e një vepre të re të tij në rrjetet sociale, vendndodhja e së cilës nuk dihet. Ajo është një Shën Mari që përpiqet të ushqejë me gji një fëmijë.
Megjithatë, gjoksi i gruas duket i shpuar nga metali i ndryshkur mbi të cilin mbështetet murali, ndërsa fëmija duket i shqetësuar dhe i pamundur për të ushqyer veten.
Për shumë komentues, vepra i kushtohet Gazës. Stili është tipik për muralet e krijuara në Londër dhe në pjesën tjetër të botës nga artisti i famshëm anglez i rrugës. Bansky, identiteti i vërtetë i të cilit mbetet i pakonfirmuar dhe objekt spekulimesh.
A i kushtohet Gazës? Postimi në profilin e Banksy në Instagram u shfaq të hënën pasdite me vetëm një imazh të veprës dhe nuk jep asnjë tregues të punës apo informacion se si duhet interpretuar. Interpretime të ndryshme janë përhapur me shpejtësi në rrjetet sociale.
Komentatorë të shumtë kanë vënë në pah një lidhje midis vuajtjes së dukshme të nënës dhe fëmijës dhe luftës aktuale midis Izraelit dhe Hamasit në Rripin e Gazës, veçanërisht urgjencën e vazhdueshme humanitare mes civilëve palestinezë.
Kjo është një temë shumë e dashur për Banksy, i cili edhe në të kaluarën ka vënë në shënjestër murin e ndërtuar nga Izraeli në kufirin me territorin palestinez në Bregun Perëndimor në një nga veprat e tij. ©Përgatiti LAPSI.al
