Opozita ka organizuar një tjetër protestë para Bashkisë së Tiranës. Të premten e 20 dhjetorit qytetarët do të protestojnë sërish kundër kryebashkiakut të Tiranës, Erion Veliaj.
Protestën e ka lajmëruar drejtuesi politik i PD-së për Tiranën, Belind Këlliçi.
Ky i fundit i ka bërë thirrje qytetarëve që t’i bashkohen protestës.
Gjithashtu, Këlliçi ka paralajmëruar se do të nxjerrë të tjera fakte dhe prova për korrupsionin në Bashkinë e Tiranës.
“Të premte, datë 20 dhjetor, ora 11:00, shihemi sërish në protestë para selisë së 5D dhe inceneratorit Tiranë, me fakte e prova të reja për hajdutërinë e zdromsit të Tiranës”, ka shkruar Këlliçi në rrjetet sociale.
