Nuk është një moment i lehtë për Romën dhe fakti që mbizotëron njëfarë konfuzioni e konfirmon "gabimi" që bënë romanët ndaj Atalantës. Viktima ishte Artem Dovbyk, i cili u dërgua në fushë me një fanellë që kishte emrin e tij të shkruar gabim. Në vend të versionit të saktë, aty doli një "Dobvik" pa y dhe me shkronjat b dhe v të invertuara. E rrjetet sociale nuk patën mëshirë... Pra, një natë e keqe në fushë dhe jashtë saj.
Lexo më tej: Video/ Lukaku hidhëron Ranierin: Napoli mposht Romën dhe merr kreun
Dovbyk mënjanë, për ndeshjen, Atalanta triumfoi 2-0 në Olimpico në ndeshjen e fundit të javës së 14-të të Serie A dhe arriti fitoren e tetë radhazi në kampionat, duke mbetur -1 nga lideri Napoli. Ekipi i Gasperinit, i pezulluar për këtë ndeshje, vuajti gjatë kundër romakëve, por qëndroi deri në minutën e 69’, kur një goditje nga jashtë e De Roon u devijua për rastësi nga Celik dhe shkoi në rrjetë pas shpinës së Svilar. Dygolëshi u realizua nga ish-lojtari i madh Zaniolo në minutën e 89’, edhe në këtë rast për shkak të një devijimi. Për Ranierin, ngushëllimi i një tjetre paraqitjeje të mirë pas asaj në Londër kundër Tottenhamit, por edhe humbja e dytë radhazi në kampionat që e lë ekipin me vetëm dy pikë përpara zonës së rënies.
