Wolves akuzon për racizëm klubin Italian, Como mbrohet: "Tha vetëm që i duket vetja si Jackie Chan"

Como dhe Wolverhampton, në grumbullim në jug të Spanjës, luajtën një ndeshje miqësore me dyer të mbyllura për të hedhur karburant në këmbët e tyre përpara një sezoni që premton të jetë shumë i gjatë. Por ndeshja vetëm miqësore nuk rezultoi. Madje përfundoi me një sherr që rrezikon të arrijë edhe në UEFA. Zhurma u shkaktua nga një fyerje e supozuar raciste e shqiptuar nga një mbrojtës i Comos ndaj Hwang Hee-chan, sulmuesit koreano-jugor të Wolves. Një epitet që shkaktoi një përshkallëzim marramendës...

NGA FYERJA RACISTE TE RRAHJA

Me rezultatin 1-0 për anglezët, Hwang Hee-chan u ndal duke u ankuar se kishte dëgjuar një fyerje raciste ndaj tij që vinte nga një mbrojtës i Como. Akuza, në mënyrë të pashmangshme, shkaktoi një reagim nga të pranishmit në fushë, me shokun e tij të skuadrës, Daniel Podence, të tërbuar, që goditi me grusht në fytyrë një lojtar të italianëve. Portugezi u përjashtua me karton të kuq, por gjërat nuk u qetësuan dhe shpërtheu një sherr ku u përfshinë lojtarët dhe pankinat. Diçka absurde, duke qenë se ishte “vetëm” një ndeshje miqësore.

KOMUNIKATA E WOLVERHAMPTON

Në fund të ndeshjes, klubi anglez lëshoi një shënim që përmban komentin e trajnerit Gary O'Neil: "Menaxheri Gary O'Neil deklaron se Hee Chan Hwang ka mbështetjen e plotë të grupit të Wolves, pasi ka raportuar një epitet racist në ndeshjen e para-sezonit të hënën kundër Como 1907. Në gjysmën e pjesës së dytë sulmuesi raportoi incidentin, i cili shkaktoi reagime të zemëruara nga shokët e tij të skuadrës, duke rezultuar në përjashtimin e Daniel Podence. Menjëherë pas incidentit, O'Neil foli me Hwang dhe i ofroi atij mundësinë të largohej nga ndeshja, por koreano-jugori ishte i vendosur të vazhdonte dhe të luante të 90 minutat”. Racizmi apo diskriminimi në çfarëdo forme është krejtësisht i papranueshëm dhe nuk duhet lënë kurrë pa u kundërshtuar, Wolves do të bëjë një ankesë zyrtare në UEFA në lidhje me këtë incident”.

KOMUNIKATA E COMO

Como lëshoi gjithashtu një shënim zyrtar duke marrë një qëndrim për incidentin e firmosur nga Mirwan Suwarso: "Klubi ynë nuk e toleron racizmin dhe e dënon atë në të gjitha format në mënyrën më të ashpër të mundshme. Ne folëm me mbrojtësin në fjalë për të kuptuar se çfarë ndodhi. Ai na tha se komenti që bëri duke folur me një nga shokët e tij ishte: 'injoroje atë, ai mendon se është Jackie Chan' për faktin se shokët e tij e quanin 'Channy' në fushë. Lojtari ynë nuk tha asgjë në mënyrë përçmuese. Na vjen keq që reagimi i disa lojtarëve të Wolves shkaktoi shpërthimin e incidentit."

Official statement regarding yesterday's incident during our friendly vs. Wolves: pic.twitter.com/BuacRrbOQU

— Como1907 (@Como_1907) July 16, 2024