Vëllai i Schumacher pranon se është homoseksual: pas mohimeve e sherrit me gruan, Ralf prezanton të dashurin

Ish-piloti i Formula 1, Ralf Schumacher, ka dalë hapur dhe në një postim në Instagram ka treguar një foto me partnerin e tij Etienne, me të cilën është në një lidhje prej dy vitesh. “Gjëja më e mirë në jetë është kur ke në krah partnerin e duhur me të cilin mund të ndash gjithçka”, ka shkruar ai. Në foto shfaqen dy burrat me shpinë, duke parë nga deti, me sa duket nga një varkë. Zbulimi vjen pas vitesh mohimesh dhe dhjetë vite pas përfundimit të stuhishëm të marrëdhënies me ish-bashkëshorten e tij Cora.

MOHIMET E VAZHDUESHME

Në fakt, në vitin 2014, Auto Bild Motorsport shkruante se ish-gruaja kishte një lidhje me një burrë tjetër, duke pasur parasysh homoseksualitetin e të shoqit. Ralf Schumacher, si në raste të tjera, e kishte mohuar me vendosmëri këtë duke deklaruar se martesa (nga e cila kishin djalin e tyre David) po shkonte mirë. Vetëm disa muaj më vonë të dy denoncuan njëri-tjetrin për lëndime personale kur policia u thirr në shtëpinë e Schumacher. Një sherr, ndoshta për kujdestarinë e djalit të tyre, ishte përshkallëzuar në dhunë në familje. Në momentin e ndarjes, gazeta gjermane kishte rihapur thashethemet, duke gjetur një tjetër kundërshtim të qartë nga ish-piloti i F1: "Unë mora pjesë në festën e hapjes së një klubi në pronësi të një çifti homoseksual. Kam bërë një foto me ta, e cila më pas u ekspozu në vendin e sipërpërmendur. Por edhe me çmimin e zhgënjimit të hidhur për ndonjë, dua të them se nuk jam homoseksual. Është një thashethem i çmendur”. Ralf Schumacher është vëllai i shtatë herë kampionit botëror të Formula 1 Michael: ai mori pjesë në 180 gara të Formula 1, duke fituar gjashtë. Ai më vonë u përfshi në serinë e garave të të rinjve si udhëheqës i ekipit dhe gjithashtu promovoi karrierën e djalit të tij David.

 

View this post on Instagram

 

A post shared by Ralf Schumacher (@ralfschumacher_rsc)