Mbrëmjen e sotme në orën 21:00 në Olympiastadion të Berlinit do të luhet finalja e Euro 2024 mes Spanjës dhe Anglisë. Një ndeshje që nuk ka nevojë për stimulim të mëtejshëm dhe që përball dy nga kombëtaret më cilësore të turneut. Nga njëra anë, Furitë e kuqe të teknikut De La Fuente, i cili, duke përjashtuar Nations League të vitit 2023, nuk kanë fituar asnjë kompeticion që nga Euro 2012, kur spanjollët triumfuan 4-0 ndaj Italisë në finale. Nga ana tjetër, Anglia, e drejtuar nga Gareth Southgate, e cila nuk ka ngritur asnjë trofe që nga viti 1966, kur Tre Luanët u bënë kampionë bote në Wembley. Një ndeshje që vlen për lavdi të përjetshme, por jo vetëm kaq. Fituesi i Euro 2024, në fakt do të fitojë rreth 28 milionë euro.
SA FITOJNË DY FINALISTET?
28 milionë euro, pra, nga të cilat 40% do të ndahen për lojtarët. Humbësi, megjithatë, do të fitojë rreth 24.5 milionë, nga të cilat 30% do të shpërndahen mes anëtarëve të skuadrës. Më saktësisht, Spanja me tre fitore në grup, ka arkëtuar 1 milion euro më shumë se Anglia që në grup mori një fitore e dy barazime. Kështu, për fitoren e trofeut Spanja i gëzohet 28 milionë euro kundër 27 të suksesit anglez, dhe i njëjti raport ndodh edhe me humbjet, me iberikët që arkëtojnë 25 kundër 24 të Tre Luanëve.
SA KANË FITUAR KOMBËTARET E ELIMINUARA?
Shumë në dispozicion për ekipet pjesëmarrëse është rreth 330 milionë euro, të shpërndara si më poshtë:
Pjesëmarrja: 9 milionë
Fitorja në fazën e grupeve: 1 milion
Barazimi në fazën e grupeve: 0.5 milionë
Kualifikimi për të 1/8: 1.5 milionë
Kualifikimi për në çerekfinale: 2.5 milionë
Kualifikimi për në gjysmëfinale: 4 milionë
Finalisti i mundur: 5 milionë
Fituesi: 8 milionë
Lexo më tej: Video/ "Shqipëria thyen Spanjën", macja jep verdiktin: parashikimi bën xhiron e botës
Për shkak të pjesëmarrjes në Euro 2024 dhe barazimin në ndeshjen e dytë të Grupit B, 2-2 kundër Kroacisë, Shqipëria do të arkëtojë 9.5 milionë euro nga prezantimi për herë të dytë në histori në finalet e një kompeticioni madhor europian.
