Festimi me gjestin e Ujqve gri, UEFA dënon Demiral: dy ndeshje pezullim, humb sfidën me Holandën

Merih Demiral u dënua nga UEFA për dy ndeshje pas festës në të cilën ai tregoi 'përshëndetjen e ujkut'. Mbrojtësi turk tregoi gjestin, të lidhur me Ujqit Gri, një organizatë turke e ekstremit të djathtë, pasi shënoi golin e dytë në fitoren 2-1 kundër Austrisë në Euro 2024. Kështu, Demiral do të humbasë çerekfinalen kundër Holandës të planifikuar për të shtunën dhe një gjysmëfinale të mundshme. Pas festimit ai tha: “Jam shumë i lumtur që e kam bërë këtë”, duke qenë “shumë krenar që jam turk”. Ndërkohë, Turqia tashmë ka apeluar në UEFA. Gjesti, siç pritej, u kthye shpejt në një çështje politike. Ministrja e Brendshme gjermane Nancy Faeser komentoi: "Simbolet e ekstremistëve të djathtë turq nuk kanë vend në stadiumet tona. Përdorimi i Kampionatit Evropian të Futbollit si një platformë për racizmin është plotësisht i papranueshëm. Ne presim që UEFA të hetojë rastin dhe të marrë në konsideratë sanksionet." Dhe kështu ndodhi. Fjalë që nxitën reagimin e Ankarasë, që e cilësoi të papranueshëm hetimin e nisur nga Nyon. “Ata që kërkojnë racizëm dhe fashizëm duhet të fokusohen në rezultatet e fundit të zgjedhjeve në disa vende evropiane”, tha zëdhënësi i partisë së Erdoganit, Omar Celik. Më tej, ambasadori gjerman në Ankara, Jurgen Schulz, ishte thirrur në Ministrinë e Punëve të Jashtme turke. Lexo më tej: Shenja e Ujqve gri, Demiral bëhet çështje politike, reagon Ankaraja: "I papranueshëm hetimi i UEFA-s" UEFA po ndjek një linjë të qëndrueshme kur bëhet fjalë për ndalimin e mesazheve politike gjatë turneut. Edhe sulmuesi i Shqipërisë Mirlind Daku u dënua me dy ndeshje pasi gjatë ndeshjes kundër Kroacisë nxiti tifozët e tij me thirrje nacionaliste të kënduara nga ai vetë.

A Merih Demiral-inspired victory ⚽️⚽️@Vivo_GLOBAL | #EUROPOTM pic.twitter.com/ICxNxBNOGu

— UEFA EURO 2024 (@EURO2024) July 2, 2024