"Është hera e parë që jam prezantuar në këtë mënyrë. Napoli më ka dhënë kaq shumë dashuri. Tani gjithçka që duhet të bëj është të jap". Kështu është shprehur Antonio Conte, trajneri i ri i Napolit, në momentet e para të eventit të prezantimit të tij në Pallatin Mbretëror të kryeqytetit kampan.
"Ajo që mund të premtoj është serioziteti, një fjalë e nënvlerësuar - tha Conte -. Seriozitet për të dhënë gjithçka për Napolin dhe për të transmetuar kulturën time në nivel pune dhe për të transmetuar idetë e mia futbollistike. Objektivi që një trajner, përtej të fitojë, është sidoqoftë t'i bëjë tifozët krenarë. Në futboll ka fitore dhe ka humbje, por nuk duhet të ketë kurrë ndjesinë se nuk kemi dhënë më të mirën".
Conte e shpjegon më mirë konceptin: "Ne duhet të rindërtojmë. Do të duhet kohë dhe durim, por unë nuk jam dikush që kam shumë durim. Dhe nuk jam mirëkuptues. Napoli im do të ketë fytyrën e tërbuar. Merkato e transferimeve? Do të bëjmë gjërat më të mira për të mos gabuar...".
Lexo më tej: "Nuk të shes, rifilloj nga ty", "Dua vetëm Juventus". Zbulohet dialogu mes Conte e Di Lorenzo
Në hyrje të Pallatit Mbretëror, në qendër të Napolit, Antonio Conte është prezantuar para shtypit e tifozëve si trajneri i ri i të kaltërve. E ka mirëpritur me entuziazëm, një turmë mbështetësish, që ka kënduar kore të ndryshme, mes të cilëve një që me siguri nuk do t'i pëlqejë Conte: "Kush nuk kërcen është juventin".
