Raundi i dytë i Kupës së Amerikës hapet me fitoren e Argjentinës, që mposhti 1-0 Kilin. Në stadiumin MetLife mbizotëroi tensioni, që preku edhe Messi, më pas hyri Lautaro: goli i fitores në minutën e 88' dhe i shkoi pranë dyfishimit. Albiceleste fluturon në çerekfinale, ndërsa Kanadaja ngjitet në vendin e dytë. Jonathan David shënoi golin e fitores ndaj Perusë, që kishjte mbetur me dhjetë lojtarë. Momente frike për shkak të sëmundjes së asistentit të arbitrit, që humbi ndjenjat për shkak të nxehtësisë së madhe.
ARGJENTINA NË ÇEREKFINALE FALË LAUTARO
Argjentina feston kalimin në çerekfinale një më herët, ndërsa Kili e vendos veten në një pozitë të vështirë. Për t'u kualifikuar ata duhet të mundin Kanadanë dhe të shpresojë që Albiceleste të mos humbasë përballë Perusë. Këto janë verdiktet e raundit të dytë të Kupës së Amerikës, ku Messi dhe shokët e tij mposhtën 1-0 rivalët e vjetër. Krahasuar me debutimin e tyre, La Roja luajti në kundërsulm, duke e nxjerrë plotësisht nga loja Alexis Sanchez. Një lëvizje që rezultoi e suksesshme deri në atë masë sa bllokoi Lionel Messi, më pak frymëzues se në debutim. Nga ana tjetër kjo mënyrë i dorëzoi plotësisht Argjentinës çelësat e ndeshjes. Pleshti goditi shtyllën në veprimin e tij të vetëm të rëndësishëm, ndërsa Molina rrezikuar të shkaktojë autogolin e Pulgar.
Lexo më tej: Video/ Kupa e Amerikës: Brazili bllokohet në debutim nga Kosta Rika, Marquinhos i anulohet goli
Në pjesën e dytë, Claudio Bravo devijoi goditjen e Nico Gonzalez mbi traversë, por edhe Kili kërcënoi. Mundësi e dyfishtë për Echeverria dhe dy pritje të Emiliano Martinez. Scaloni e kuptoi se diçka po ndryshonte dhe zgjodhi një zëvendësim të dyfishtë: Lautaro dhe Di Maria në minutën e 73'. Ishte lëvizja vendimtare, sepse në minutën e 88' Toro shënoi golin që vendosi fitoren dhe çerekfinalet. Goditja e tij nuk i la portierit asnjë rrugëdalje. Në kohën shtesë, Lautaro iu afrua gjithashtu golit të dytë, ndërsa Messi shfaqi disa probleme fizike. Scaloni, pas ndeshjes, shpalli mungesën e tij kundër Perusë. Nga ana tjetër, Argjentina, duke përjashtuar një rezultat të bujshëm (humbje duke pësuar shumë gola dhe fitore të Kanadasë: kriteri i parë në rast barazimi është diferenca e golave), tashmë është praktikisht e sigurt për vendin e parë në grup. Prandaj Albiceleste mund të zgjedhë për të aktivizuar rezervat kundër Blanquirroja.
