Një histori aspak e bukur ajo e përjetuar nga Antonin Barak mbrëmjen e së enjtes, pikërisht teksa luante në fushë me Fiorentinën. Në fakt, hajdutët hynë në shtëpinë e mesfushorit çek. Ndërhyrja e fqinjit, i cili ishte i zoti për t'i bërë grabitësit të iknin, ‘shpëtoi’ nga dëmet ish-lojtarin e Veronës. Më pas, në vendngjarje kanë mbërritur edhe agjentët e policisë për të sqaruar se çfarë kishte ndodhur.
Sipas rikonstruksioneve fillestare, ishin dy burra që u futën në shtëpinë e 29-vjeçarit përmes portës-dritare, duke përfituar nga ndeshja e Fiorentinës (fituar pastaj 2-0) kundër Viktoria Plzen, e vlefshme për çerekfinalet e Conference League. Ndeshje në të cilën Barak ishte në fushë për 45 minuta ndërmjet pjesës së dytë dhe shtesave.
Siç shpjegohet, ka qenë fqinji ai që ka ndalur vjedhjen, duke mos lejuar kështu hajdutët të merrnin sende të çmuara që i përkisnin lojtarit viola. Për më tepër, të dy grabitësit janë panë me fytyrë të mbuluar teksa po largoheshin nga zona në këmbë. Pamjet nga kamerat e vëzhgimit janë duke u ekzaminuar nga hetuesit.
